Iman mo Ayari

Iman mo Ayari

By. Hadznalyn Asakil

Tarasul ko dungugah niyo,

Bismillah tagnaa sin ako,

Sumalam-salam magbalik kanyu,

mga kakasi ha Agama sin ako.

Tarasul ini hal pag-iman,

Ganapan ko sambil sambahayang,

Sunuan pa hal sabar tuan,

Ha babaw dunya,ini kalagihan.

Pag-iman mo ayaw pasari,

Bukon kunsum-ku'nisa aun paghali,

Ibadat kaw taymanghud,

Pa Allah tumumtum,sumujud.

Bang aun dumatung problema,

Sang'gah kaw pa Allahu Ta'ala,

Manuntut ilmuh kanya,

Way maka-paratsaya bang bukon Siya.

Pag-iman mo ayari,

Bisan pakaw makakitah malingkat babae,

Pangatud mo hawiri,

Malingkat pa in semento,tukkoh kaw makajari.

Ikaw sab indah salih da,

Bisan kaw naka-hijab-niqab,putos sambil lima,

Bang in hammot mo,make-up sin mata,

Labi pa daing ha artista.

Bukon sa ini pasal hi utoh,

Bukon sa ini pasal hi indah,

Tarasul ini patumtum ha katan,

Lamud sambil bata-bata,kamaasan.

Sunu'an ta hal sambahayang,

Lima waktu,subay pag-ta'atan,

Way sa nakabutang ha Qur'an,

Sarang adja juma'at ampa kita ma-niyat.

Pag-ayil mo ayari,

Bukon adja pigsik-pigsiki,

Sambil badjuh mo lanu'e,

Awrat mo utoh-indah tampani.

Indah,utoh ikaw pang-lawag ilmo,

Bukon sa' ilmoh,hipag-lilimoh,

Amun laung ta mga magic,palmanis makabugtuh,

Hikasakit,hika-inlove sin mga amoh.

Ilmoh pagyanun sin kama'asan,

Mara mo sambil pa kamatayan,

Amin tampal sin ikaw ha,abi narkah jahannam,

Hasupaya Jannah in kahulugan.

Iman iban kasabar dii ha dunya,

Ha adlaw mahuli karayawan mo ra,

Bang biya'riin in panumtum pa Allah,

Da'akan Niya,dihilan mo importansiya.

Mahuli tarasul ini patumtum,

Muna-muna pa baran sin nag-baktol,

Kalu dungugon in lapal sin ako,

Maaf da kuman bang y naka-amu.

Wassalamu alaikom warahmatullahi wa barakatu.

Bulan Ramadhan!

Bulan Ramadhan

By: Hadznalyn Asakil

Bismillah ko tagnaan

Salam kasilasa pa tiranan

Yari balik manalam-salam

Aun Tarasul ibn Daman

Tarasul ko ini malingkat,

Dungog kamu sin hibungat

Tarasul ko hipasampay 

Samplag kakampungan,pa mga bay-bay

Tarasul ini hal sin bulan

Ini bulan pag'nganan Ramadhan

Katan Ummat nag-i'ibadat

Pa asibi,malaggo,pa maas-maas

Bulan ini maha'sutsi

Bulan 'rahmah sin Allah,pa mga tao pa mga Nabi

Pag-iman pakusugon

Marayaw pa bang maglabih.

Bulan Ramadhan

Bulan Sarayaw'dayaw

Pangatayan Malanoh

Ayaw magmahukaw

Iggil' jangki palayu'on,Istigfar kaw

Maraw pa in magbassa Qur'an,sambahayang,hikarayaw

Palayu'a in fitna,udjuh makamulah

Maraw bang in dagbus mo,dagbus artista.

Bulan ini,Bulan Ramadhan

Kawah kaw tasbi,daing sin magpanayam

Dungog kaw nasihat iban patum-tum

Pangatyan lanu'e,atay-putih parulihon.

Makakug-makakuyag sah kita'on

Mga manusiya ha bulan puti bihaun

Mga bakas bulaog,tao ma-fitna'un

Nag-iibadat ha bulan bihaun

Pangayu'on ta pa Tuhan Allah

Bang man kita manusiyah hibuntol sin Allah

Sambil maubos in bulan Rahmah

Masi-masi in kita nag-i'ibadah.

Bulan ini,amun bulan pagbubugtuh

Bugtu sin dusa,habit makamula

Sambil na in sila,usog-babae nag-sisigah

Kawah kaw "siwak",sunnah sin Rasullulah.

Ikaw utoh-indah naglalasa,

Sarang kulang-kulangan in pagtext,pag-iloveyou nila

Kawah kamu sipog karuwa-duwa,

Bukon sadja pagbukah,bungat kasilasa pa FB hi post pa.

Maraw pa in kawah kaw kitab,

Kitab hal sin agama,patum-tum daing ha Allah

Malaggo pa karayawan makawa ha dunya,

Lutoh sambil pa adlaw Akhira.

Manaw pa masjid sumambahayang,

Magad Tarawee,raka'a sambil katapusan,

Sunuan pa sin Laylatul-Qadr,

Duwaa mo pakusugon,sujuran.

Mahuli in Tarasul ini,

Patum-tum adja mga kakasi,

Bang dungu'gon niyo,aun paruli

Atay sin nagbaktol,makug-makasi.

Bang aun nalapal,dih hikarayaw

Maaf da kuman ayaw mahukaw,

Bulan ini pag-ma'maaf-maaf,pagdadayaw

Andu kamu ra kuman in ganap-baktol marayaw.

Wassalam!

Indah,hijab-sambahayang kaw!

Indah,hijab-sambahayang kaw!

By: Hadznalyn Asakil

Bismillah in tagnaan

Tarasol pasampay pa katan

Labi na ha kabunjangan 

Lapay na pa kamaasan

Tarasol ko ini mahanunut

Bang man hi indah dumungog

Maaf da kuman,bang makakugdan

Pa atay sin sila kaibanan

Indah dungog sa in ikaw

Lapal kabtangan hati kaw

Suwara ini hikarayaw

Tampal baran,ayaw mahanggaw

Malingkat sa ini kitaon

Bang kaw indah magpati-ayon

Lingkat way sabanding magduruhon

Ganapan pa sin Hijab,MashaAllah hikapamung

Indah ha adlaw bihaon

Mabanus na in nagtuturong

Ikaw baha kuhno magpati-ayon

Buhok ha babaw dunya,kayu in sungon

Tabia da sab ha kaibanan bar-iman

Laung hi indah kaagi,ako nagsasambahayang

Hijab bisan way na ha O kiyabutang

Bang man in siya kunuh lima waktu yaa-yunan

Indah huonun ko in ikaw lima wakto

Sah kulang pa dayang in ibada mo

In hijab,dyaak sin Tag-ipun mo

Sulugah ha dunya,hikarayaw pa kaymu

Hi lamud ko hi indah nagtuturong

Maraw sab bang sambil addat paagarun

Bisan pa sab in ikaw baran-putos duon,

Bang niyat pikilan hi indah,mangi dungogun

Kiya-ingatan ko saini kita manusiya ra,

Dusa dih hikatangkis,maka-mula

Sah bang ta imanan,saytan lumayoh sah

Allah in makatabang,baug-bugan ta

Indah ikaw budjang satu

Agara in Hijab iban Lima waktu

Sunuan pa sin addat tabiat mo

Lapay na in pagbassa Qur'an,agarah in sunnah-hadith sin Nabi mo

Ngan mo hi sulat sin malaikat

In ikaw himihinang,nagkakahagad

Daakan sin Allahu Taala

Pa katan ummah sin Rasulullah ibn Nabi niya

Suwara ko ini maafa niyo

Tabia ha mga babae umbol satu,

Ini himumungan,patumtum kanyu

Lapay na sambil ginhawa baran ko.

Mahuli magsukol..wassalam